ПАМЯТНЫ ЗНАК ЗАГІНУЎШЫМ У ЛАГЕРЫ
УТРЫМАННЯ ГРАМАДЗЯНСКАГА НАСЕЛЬНІЦТВА
МЕСЦА ЗНАХОДЖАННЯ: г. Баранавічы, вул. Вільчкоўскага /ст. Баранавічы-Цэнтральныя/
ГОД УЗВЯДЗЕННЯ: 2023 г.
ГІСТАРЫЧНЫЯ ЗВЕСТКІ: у ходзе расследавання крымінальнай справы № 21028030022 аб генацыдзе беларускага народа ў гады Вялікай Айчыннай вайны і пасляваенны перыяд Баранавіцкай міжраённай пракуратурай пры правядзенні допыту вязняў, вывучэння архіўных матэрыялаў было ўстаноўлена месца прымусовага ўтрымання насельніцтва – Лагер грамадзянскага насельніцтва на ст. Баранавічы-Цэнтральныя, які існаваў з сакавіка 1943 г. па ліпень 1944 г. Тут змяшчаліся 1,5 тыс. мірных жыхароў, арыштаваных і сілком сагнаных з Усходніх рэгіёнаў Савецкага Саюза. З-за нечалавечых умоў знаходжання ў лагеры ад хваробаў, голаду і здзекаў загінула не меньш за 500 чалавек.
Ініцыятыва Баранавіцкай міжраённай пракуратуры аб 
устаноўцы памятнага знака падтрымана Баранавіцкім гарадскім выканаўчым камітэтам у мэтах увекавечвання памяці аб асобах, якія змяшчаліся і загінулі ў лагеры грамадзянскага насельніцтва. 21 лютага 2022 г. Баранавіцкім гарадскім саветам па пытаннях гісторыка-культурнай спадчыны прынята рашэнне аб стварэнні памятнага знака і яго ўстаноўцы на тэрыторыі перад будынкам чыгуначнага вакзала ст. Баранавічы-Цэнтральныя.
Памятны знак, аўтар ідэі якога – Баранавіцкая міжраённая пракуратура, прадстаўляе сабой вялікі валун, які сімвалізуе цяжар Вялікай Айчыннай вайны, і каваны элемент чалавечай рукі як сімвал згуртаванасці і адзінства народа. Рука моцна сціскае і раздзірае калючы дрот як сімвал болю і пакут савецкага народа ў перыяд вайны. Элемент разрыву калючага дроту адлюстроўвае перамогу над фашызмам.
Надпіс на помніку нагадвае: “З 1943 па 1944 гг. на гэтым месцы існаваў лагер для савецкіх грамадзян, ахвярамі якога сталі больш за 500 чалавек. Боль у сэрцах нашых назаўжды…”
"Вязніцы лагераў цывільных…" (аўдыёўрывак)
