16.10. – прэзентацыя выставы ўдзельнікаў аб’яднання па інтарэсах “Выцінанка”

“Фантазіі палёт і рук тварэнне” адбудзецца ў філіяле № 2 “Гарадская дзіцячая бібліятэка” для вучняў гімназіі № 4. Удзельнікаў мерапрыемства чакае ўрачыстае адкрыццё “Чараўніцтва папяровага ўзору” і выцінанка-бум “Папяровыя забавы”. Мерапрыемства пройдзе ў суправаджэнні музычных нумароў навучэнцаў дзіцячай музычнай школы мастацтваў г. Баранавічы. Пачатак ў 10.30. Узрост: 6+. Адрас: вул. Камсамольская, 23 А. Тэл.: 66 29 13 / адк.: заг. філіяла А.М. Робак/.

17.10. – гульнятэка чакае гараджан у аддзеле дзіцячай і замежнай літаратуры ЦГБ імя В.П. Таўлая. З 09.00 да 13.00 прапануецца сямейны фармат правядзення настольных гульняў (для дзяцей ад 3-х гадоў і іх бацькоў). Узрост: 0+. З 14.00 да 18.00 у бібліятэцы будуць падрыхтаваны гульні больш складанага ўзроўню для падлеткаў і дарослых. Узрост: 12+. Адрас: вул. Леніна, 53. Тэл.: 40 36 90 /адк.: бібліятэкар А.С. Будзько/.

18.10. – праграма “Crazy Stories” з настольнымі гульнямі для наведвальнікаў бібліятэкі, якія вывучаюць англійскую мову, пройдзе ў аддзеле дзіцячай і замежнай літаратуры ЦГБ імя В.П. Таўлая з удзелам педагога Наталлі Максімук. Пачатак у 15.00. Для ўдзелу неабходна папярэдняя рэгістрацыя. Узрост: 12+. Адрас: вул. Леніна, 53. Тэл.: 40 36 90 /адк.: заг. аддзела Н.А. Станкевіч/.

з 01.10. – тэматычная выстава “Свет пачынаецца з мамы” ў філіяле № 2 “Гарадская дзіцячая бібліятэка”, прымеркаваная да цудоўнага свята – Дня маці, які адзначаецца ў Беларусі штогод 14 кастрычніка, раскрывае адну з самых глыбокіх, шчырых і хвалюючых тэм у літаратуры і мастацтве – вобраз маці. Узрост 6+. Адрас: вул. Камсамольская, 23 А. Тэл.: 66 29 13 /адк.: бібліятэкар I кат. А.В. Новак/.

з 06.10. – выстава “Свет мацярынства – свет любові” ў аддзеле галіновай літаратуры ЦГБ імя В.П. Таўлая прадстаўляе падборку тэматычных матэрыялаў да свята Дня маці ў Беларусі, якое супадае з вялікім хрысціянскім святам – Пакровам Прасвятой Багародзіцы. Узрост: 12+. Адрас: вул. Леніна, 51. Тэл.: 64 31 94 /адк.: бібліятэкар I кат. А.М. Іванова/.

12.10. – гульнёвая праграма “Маміны памочнікі” арганізуецца супрацоўнікамі філіяла № 1 “Гарадская бібліятэка” для вучняў школ горада. Удзельнікаў сустрэчы чакае пазнавальная хвілінка “Гісторыя ўзнікнення Дня маці”, конкурс “Вясёлыя пакупкі”, прэзентацыя “Ці  ведаю я сваю маму?”, тэматычныя гульні, рэфлексія “Сапраўдны мамін памочнік” і г.д. Узрост: 6+. Адрас: вул. Кірава, 62. Тэл.: 67 79 31 /адк.: бібліятэкар С. А. Вялічка/.

          12.10. – для вучняў 2 “Б” класа СШ № 15 пачатак у 10.00.

          13.10. – для вучняў 1-га класа СШ № 15 пачатак у 10.00.

          15.10. – для вучняў 2 “В”  і 3 “Г” класаў СШ № 15 пачатак у 12.00.

14.10. – акцыя “Прыгожы свет каханнем матчыным” на працягу дня пройдзе на абанеменце ЦГБ імя В.П. Таўлая. Для ўсіх жанчын, якія ў гэты дзень наведаюць абанемент, у якасці віншавання са святам бібліятэкары падрыхтавалі шмат прыемных сюрпрызных момантаў. Узрост: 16+. Адрас: вул. Леніна, 51. Тэл.: 64 31 94 /адк.: бібліятэкар ІІ кат. С.К. Кузьменя/.

16.10. – акцыя “Самым родным і блізкім” арганізавана ў філіяле № 3 “Гарадская дзіцячая бібліятэка”. Наведвальнікаў бібліятэкі чакае конкурс “Сямейныя каштоўнасці”, творчае заданне “Замест тысячы слоў…” і выстава-камплімент “Святло бацькоўскай любові”. Узрост: 6+. Адрас: вул. Савецкая, 136. Тэл.: 42 46 00 /адк.: бібліятэкар І катэгорыі К.С. Ладуцька, бібліятэкар I кат. В.П. Кузняцова/.

18.10. – сямейная праграма “Развівайка” чакае маленькіх наведвальнікаў бібліятэкі ў аддзеле дзіцячай і замежнай літаратуры ЦГБ імя В.П. Таўлая. У паграме: настольная гульня “Каўпачкі”, гучныя чытанні “Вершы пра маму” і слоўная гульня “Мая сям’я”. Удзел па папярэдняй рэгістрацыі. Пачатак у 11.00. Узрост: 0+. Адрас: вул. Леніна, 53. Тэл.: 40 36 90 /адк.: бібліятэкар А.С. Панамарова/.

Інтэрактыўная алея “Кветкі маёй зямлі. Жаночы летапіс краіны” экспануецца на вэб-сайце ДУК “Цэнтралізаваная бібліятэчная сістэма г. Баранавічы”  і прысвечана Году беларускай жанчыны. У віртуальнай галерэі размешчаны кароткія звесткі аб знакамітых жанчынах мінулых стагоддзяў, якія на працягу шматвекавой гісторыі Беларусі сваёй дзейнасцю зрабілі значны ўнёсак у мастацтва, навуку, культуру і іншыя сферы жыцця нашай краіны, і нашых сучасніцах. Узрост: 12+ /адк.: намеснік дырэктара па асноўнай дзейнасці Е.А. Барзілава, бібліятэкар І кат. К.А. Раманюк/.

з 28.04.  –  персанальная выстава творчых работ “Тэкстурная сімфонія” Валерыі Несцярук экспануецца ў аддзеле галіновай літаратуры ЦГБ імя В.П. Таўлая. Валерыя Несцярук – выпускніца Беларускай дзяржаўнай акадэміі музыкі, працуе выкладчыкам па класе фартэпіяна і канцэртмайстрам у УССА “Баранавіцкі дзяржаўны музычны каледж”. Валерыя – вельмі творчы чалавек: з ранняга дзяцінства захаплялася музыкай, танцамі, маляваннем. На выстаўцы прадстаўлены аўтарскія інтэр'ерныя карціны і дэкаратыўныя пано, рэльефныя карціны – унікальны сінтэз жывапісу і скульптуры. Уваход вольны  для усіх жадаючых. Узрост: 0+. Адрас: вул. Леніна, 51. Тэл.: 64 31 94 /адк.: загадчык аддзела Н.М. Кіпель/.

з 10.03. – інтэрактыўная алея “155 прычын любіць Баранавічы” экспануецца ў межах праекта “Кніга ў горадзе” да 155-годдзя горада. Гэта вынік аднайменнага фотамарафона, арганізаванага аддзелам дзіцячай і замежнай літаратуры ЦГБ імя В.П. Таўлая. Згодна з Палажэннем на конкурс прымаліся каляровыя або чорна-белыя фотаздымкі, якія адпавядалі прапанаваным у ім тэмам. Каля сцен цэнтральнай бібліятэкі ўздоўж вул. Леніна 51 і 53 на 15 стэндах размешчаны работы, якія набралі найбольшую колькасць галасоў у сваіх намінацыях. Узрост: 12+ /адк.: вядучы бібліятэкар Н.А. Станкевіч, бібліятэкар І кат. К.А. Раманюк/.

Інтэрактыўная гульня “Кодэкс правазнаўцы” падрыхтаваная супрацоўнікамі аддзела інфармацына-бібліяграфічнай работы ЦГБ імя В.П. Таўлая на вэб-сайце ДУК “Цэнтралізаваная бібліятэчная сістэма г. Баранавічы”. Інтэрактыўнае выданне прапануе праверыць узровень сваіх ведаў па прававой тэматыцы, адказаўшы на пытанні. Вы зможаце даведацца, дзе праходзіць тонкая мяжа паміж адміністрацыйным праступкам і крымінальным злачынствам, чым пагражаюць парушэнні закона і якія наступствы чакаюць тых, хто іх дапусціць. Узрост: 16+. Адрас: вул. Леніна, 51. Тэл.: 64 32 10 /адк.: заг. аддзела В.І. Тугава/.

Метадычны веснік “Сусветныя экалагічныя даты” створаны супрацоўнікамі аддзела маркетынгу і сацыякультурнай дзейнасці на вэб-сайце ДУК “Цэнтралізаваная бібліятэчная сістэма г. Баранавічы”. Інтэрактыўнае выданне ўключае інфармацыю пра галоўныя  даты календара, прысвечаныя пытанням аховы прыроды і беражліваму стаўленню да рэсурсаў Зямлі. Узрост: 12+. Тэлефон для даведак: 64 31 96 /адк.: бібліятэкар I кат. В.Ф. Лазарчук/.

Буктрэйлер “Час прыгод”, створаны супрацоўнікамі аддзела маркетынгу і сацыякультурнай дзейнасці ЦГБ імя В.П.Таўлая, размешчаны на вэб-сайце ДУК “Цэнтралізаваная бібліятэчная сістэма г. Баранавічы”. Для наведвальнікаў сайта падрыхтавана падборка твораў, у якіх Вас чакаюць неверагодныя прыгоды. Каб падрабязней даведацца пра кнігі, трэба клікнуць па фота. Цікавыя факты пра пісьменнікаў і іх творы можна паглядзець, націснуўшы на іконкі побач з фота. Узрост: 12+. Тэлефон для даведак: 64 31 96 /адк.: бібліятэкар IІ кат. Ю.В. Лібік/.

Метадычны веснік “Літаратурны арт-тур па Баранавічах” на вэб-сайце ДУК “Цэнтралізаваная бібліятэчная сістэма г. Баранавічы” створаны супрацоўнікамі аддзела маркетынгу і сацыякультурнай дзейнасці. Інтэрактыўнае выданне ўключае цікавыя матэрыялы, прысвечаныя скульптурам малой формы, якія размешчаны на вуліцах г. Баранавічы, і зроблена спроба звязаць іх з вядомымі літаратурнымі сюжэтамі. Узрост: 12+. Тэлефон для даведак: 64 31 96 /адк.: бібліятэкар I кат. В.Ф. Лазарчук/.

Фотаэкскурс “Ажыўшая гісторыя”  на вэб-сайце ДУК “Цэнтралізаваная бібліятэчная сістэма г. Баранавічы” падрыхтаваны супрацоўнікамі аддзела галіновай літаратуры ЦГБ імя В.П. Таўлая да 155-годдзя г. Баранавічы. Якімі былі Баранавічы 30, 40, 50 гадоў таму? Пра гэта лепш за ўсё могуць расказаць старыя фатаграфіі. Бібліятэчныя спецыялісты паспрабавалі "ажывіць" рэтрафатаграфіі Баранавічаў з дапамогай штучнага інтэлекту. Запрашаем “прайсціся” па баранавіцкіх вуліцах мінулых гадоў! Узрост: 12+. Адрас: вул. Леніна, 51. Тэл.: 64 31 94 /адк.: бібліятэкар I кат. А.М. Іванова, бібліятэкар І.П. Гоўша/.